*شنطة تريكو شيك وبطانية بيبى بغرزة الطحلب

---

المواد المستخدمة:
300جرام صوف اوف وايت
50جرام صوف ازرق جينز
إبرة دائرية مقاس 5 مللى
إبرة دائرية مقاس 3.5 مللى

الشنطة هيبقا مقاسها النهائى 30سم عرض ×25سم طول

فى غرزة هنا لازم نتعلمها قبل مانبدأ الشغل وهيا غرزة الطحلب
السطر الأول:*1ع,1م*ونكرر مابين الأقواس
السطر التانى:*1م,1ع*ونكرر مابين الأقواس

الجزء السفلى من الشنطة:
هنبدأ ب112 غرزة على سنارة دائرية مقاس 3.5 مللى بالصوف الاوف وايت,هنشتغل غرزة الطحلب (Moss st),عندما يصل الطول إلى 5سم هنشتغل سطر عدل ونركن الشغل دلوقتى.

أول طبقة من الكشكشة:
هنبدأ ب 168 غرزة على سنارة دائرية مقاس 5مللى بالصوف الأزرق الجينز هنشتغل سطر مقلوب
وبعدين نغير الصوف بالصوف الاوف وايت ونشتغل 8سطور عدل
دلوقتى هننقل الشغل على سنارة دائرية مقاس 3.5 مللى ونشتغل السطر التالى كالتالى
*1ع,2ع معا*ونكرر مابين الأقواس
هيصبح عندنا عدد الغرز 112 غرزة
هنشتغل سطر مقلوب.
دلوقتى هنشبك الطبقة الأولى من الكشكشة مع الجزء السفلى من الشنطة اللى كنا سايبينه مؤقتا كالتالى:
هنأخد غرزه عدلة من كل جانب ونشتغلهم مع بعض بمعنى نخلق غرزة عدلة من غرزتين
ونكمل بغرزة الطحلب 5 سم ونضع العمل جانبا
هنشتغل الدور التانى والتالت من الكشكشة ونشبكهم كما سبق
بعد ما نخلص الدور الرابع من الكشكشة ونشبكة فى العمل هنشتغل سطر مقلوب والسطر اللى بعده نشتغله كما يلى:
*2ع,2ع معا*ونكرر ما بين الاقواس
هيصبح عندنا عدد الغرز 84 غرزة
هنكمل بغرزة الطحلب كمان 5سم ونشتغل سطر عدل وسطر مقلوب ونقفل الشغل.
هنطبق الشنطة إتنين ونخيط من الجانب ومن أسفل العمل.

ذراع الشنطة:
هنبدأ ب6 غرز على سنارة مقاس 3.5 مللى وهنشتغل غرزة الطحلب حتى يصل الطول إلى 35 سم ونقفل العمل.وهنعمل كمان ذراع ونخيطهم فى الشنطة

وبكدا تبقا الشنطة خلصت وألف مبروك عليكى

البطانية



إنتى ممكن تشتغلى البطانية بالمقاس اللى تحبيه بس إحنا النهاردة هنعمل البطانية مقاس 66×100سم



المواد المستخدمة:
1/هنحتاج حوالى 600جرام من الصوف.
2/إبرة تريكو مدببة مقاس 20مللى(أو أى مقاس إبرة يعطى 5غرز×8سطور فى عينة 10×10سم).

طريقة العمل:
هنبدأ العمل ب33غرزة .
هنشتغل 4 سطور عدل.
ثم نكمل العمل بغرزة الطحلب كالتالى/
سطر11ع,1م)وهنكرر مابين الأقواس
سطر2:هنشتغل غرزة عدل فوق المقلوبة والعكس هنشتغل غرزة مقلوبة فوق العدلة
ونكرر السطر 2 حتى يصل الطول إلى96 سم هنشتغل 4سطور عدل ونقفل العمل .

وبكدا تكون البطانية خلصت

---